ஒழுக்கம்

​ஒழுக்கம்​

​

​ஒழுக்கம் விழுப்பந் தரலான் ஒழுக்கம்​

​உயிரினும் ஓம்பப் படும்.​

​

​ஒழுக்கமே எல்லோருக்கும் மேன்மையைத் தருவதாக இருப்பதால், அந்த ஒழுக்கமே உயிரை விடச் சிறந்ததாகப் போற்றப்படும்.​

​

​ஆம் எல்லாவற்றிலும் முழுமை என்பதே நிறைவு தருவதாக உள்ளது.​

​

​எல்லா செயல்களூக்குமான முழுமைக்குறிய அடிப்படைகளை நம் முன்னோர்கள் வகுத்ததே ஒழுக்கம். அதுவே அறம்​

​

​நமக்கு நிகழும் இன்ப ,துன்பம் அனைத்திற்கும் காரணமாக நிற்பதுவும் அதுவே.​

​

​பெற்றோரின் ஒழுக்கம் பிள்ளைக்கு ​

​

​ஆசிரியனின் ஒழுக்கம் மாணவனுக்கு ​

​

​ஒரு தலைவனின் ஒழுக்கம் தொண்டனுக்கு ..​

​

​என எல்லா ஒழுக்கமும் ஓர் விதியிலேயே அமைகிறது .அந்த விதியும் தனி மனித மாற்றத்திலிருந்தே துவங்குகிறது.​

​

​எந்த ஒரு தனிமனிதனின் ஒழுக்கமும் ..அவன் சூழலில் உள்ள அனைத்து உயிர்களுக்கும் பரவும்.அதுவே நற் குணத்தின் தன்மை.​

​

​உடல்,மனதின் ஒழுக்கமே உயிருக்கு அடிப்படை​

​

​உடலின் ஒழுக்கம் :​

​

​பசி ,தூக்கம் ,ஓய்வு,தாகம்​

​

​உணவே உடலின் ஒழுக்கத்திற்கு வித்திடுகிறது. ​

​

​உணவின் விதி 1:​

​

​நல் உணவென்பது இடத்திலும்,காலத்திலும் விளையும் உணவே.(பருவகால பிரதேச உணவுகள்)​

​

​உணவின் விதி 2:​

​

​அந்த உணவு உடலுக்கு ஏற்றுக்கொள்ளக் கூடியதாக (ஒவ்வாமை இல்லா)இருக்கவேண்டும். அனுபவமே இதற்கு பாடம். உடலின் ஒழுக்கம் பேணப்படும்போது நல் உணவுகள் உங்களால் அறியப்படும். ​

​

​உணவின் விதி 3:​

​

​மிகினும் குறையினும் நோய்செய்யும் நூலோர்​

​வளிமுதலா எண்ணிய மூன்று.​

​

​அளவு மிகினும் ,குறையினும்​

​சுவை மிகினும் ,குறையினும்​

​நேரம் (வேளை) மிகினும்,குறையினும்​

வளி முதலா எண்ணிய மூன்று என்பது உடலின் வாதம் ,பித்தம், சிலேத்தும் ஆகியவற்றை குறிக்கும் .. மேலே சொன்னது உணவின் தன்மை மட்டுமே..

​

​உணவின் தன்மை மனதில் எழும் எண்ணத்தின் தன்மைக்கு காரணம்.. ஆகவே நல் உணவு -> நல் உடல்- >நல் மனம்.​

​

​செயலின் ஒழுக்கம் :​

​

​சிறப்புஈனும் செல்வமும் ஈனும் அறத்தினூஉங்கு​

​ஆக்கம் எவனோ உயிர்க்கு.​

​

​ஒரு செயலின் அறம் எதுவென்று தெரிந்து செயல்படுவருக்கு அனைத்தும் சிறப்பாகவே நிகழும்.​

​

​நாம் அன்றாடம் செய்யும் வேலை அந்த நாளின் இறுதியில் ஒரு மன நிறைவைத் தரவேண்டும் .​

​

​செயலின் ஒழுக்கம் நிதானத்தில் உள்ளது . செயலில் மனதின் நிலையே பிரதானம். எந்த வேலையையும் படபடப்புடன் பொறுமை இன்றி செய்யாதீர்.​

​

​நிதானம் இன்றி செய்யும் எந்த ஒரு வேலையும் நேர வீணடிப்பே.​

​

​சமூக ஒழுக்கம் :​

​

​தனிமனித ஒழுக்கமே சமூக ஒழுக்கம் .ஆனால் தனிமனித செயலின் விளைவு சமூகத்தை பாதிக்காதவாறு இருத்தல் வேண்டும்.​

​

​ஒழுக்கம் - ஒழுகுதல். மற்றவர்களுடன் மோதாமல் மற்றவர்களுக்குத் தீங்கு நேராமல் நடப்பது-வாழ்வது ஒழுக்கமுடைமை. 'உலகத்தோடு ஒட்ட ஒழுகல்' ஒழுக்கம் என்றும் திருக்குறள் கூறுகிறது.​

​

​பிறப்பொக்கும் எல்லா உயிர்க்கும் - பிறப்பால் அனைவரும் ஒருவரே ..எண்ணம் ,சொல் ..செயல் மூன்றிலும் ஒழுக்கமெனும் அறம் இருக்கும்போது ​

​

​ஒழுக்கம் ஒரு தொடர் செயல்​

​—தொடரும் ​